Kinderverse von Rahel Reutimann

Danke für meine Familie
von Rahel Reutimann (Vers für Spielgruppe oder Kinderhüte)

Danke für de Papi, wo du mir hesch gäh.
Danke für mis Mami, woni viel cha näh.
Danke für min Brueder, woni mitem spiele cha.
Danke für mini Schwöschter, woni cha zuere gah.
Danke für de Säge, dass i törf läbe mit miner Familie
und nöd ganz elei uf de Stäge.

Gott het mich wunderbar und einzigartig gmacht
von Rahel Reutimann (Vers für Spielgruppe oder Kinderhüte)

So het Gott mich gmacht.
Mich git's nume eimol.
Er het mir zueglacht.
So isch's mir halt wohl.
Er kennt mich am Beschte und liebt mich genau eso.
Da drüber bin ich jede Tag ganz fescht froh.

Fingervers zu Jesu Geburt
von Rahel Reutimann (Vers für Spielgruppe oder Kinderhüte)

De sait: Super het das Jesus gmacht. (Mit Daumen ein Super machen)
De sait: Gott het üs de Retter bracht. (Mit Zeigefinger hinaufzeigen)
De sait: Als es Baby isch er cho. (Arme zusammen halten, wie ein Baby wiegen)
De sait: D'Hirte hends als erschts vernoh. (Finger, der einen Hand laufen über andere flache Hand)
Und de Chli sait: Hender gseh, hender gseh, de Sohn vo Gott, juhee, juhee! (Hand an Stirn halten - in die Weite schauen, hüpfen vor Freude)

Jesus und die Jünger im Sturm:
von Rahel Reutimann (Vers für Kindergarten und Unterstufe)

Das isch es Schiff uf em See (Mit beiden Händen ein Schiff formen)
Das isch Jesus mit sine Jünger,..nomeh (alle Finger zeigen)
Da schlaft Jesus uf eme Chüssi ii. (Hände an Kopf halten, Kopf zur Seite und Augen schliessen)
Er isch halt au mal müed gsi. (Gähnen) 

Da chunt en Sturm vo noime her. (Mit Hände Sturm nachahmen)
Dänn fallt ne z'ruedere ziemlich schwär. (Ruderbewegungen mit Armen)
De Wind de fägt de Manne um d'Ohre. (Wind um Kopf machen)
und nass sind jetzt nöd nume ihri Haare. (Haare anfassen)

Es stürmt und tuet so strub, so grüüslig. (wilde Sturmbewegungen)
Am liebschte wärets jetzt all i ihrne Hüüsli. (Mit Händen Haus über Kopf machen)
Da schreied's: Jesus, laa üs nöd im Stich! (Hände wie ein Rohr vor Mund halten)
Mir bruched dich! Mir bruched dich! (laut sagen oder schreien)

So staht er uf und stoppt de Wind. (Hände aufrecht halten - wie stopp)
Au d'Welle folged ihm so gschwind. (Hände flach horizontal von oben nach unten bewegen)
Da stuned all und luegd nume. (Augen weit aufsperren)
De Glaube het ne gfählt, de Junge. (offene leere Hände)

Jetzt isch es still und s'End isch guet. (flüstern - Zeigefinger vor Mund)
Will Jesus üs gern hälfe tuet. (Hände aufs Herz)
Bisch du im Sturm und Wind und Räge (Sturmbewegungen mit Armen)
Rüefsch du um Hilf, chasch's Jesus säge. (Hände hinaufheben - in Erwartung)

Er git üs Rueh und Friede jetzt und hie (Hände aufs Herz - hin und herwiegen)
Für immer isch er bi üs, er verlaat üs nie. (alle zusammen Hände halten im Kreis)

Gott, der Vater und wir, seine Kinder
von Rahel Reutimann (Fingervers für Spielgruppe oder Kinderhüte)

Das isch Gott de Vater (zeige auf den Daumen)
de isch starch und lieb.
Und das sind mir, sini Chinde. (zeige auf alle andern Finger)
De tuet gern anderne hälfe, was au immer. (Zeigefinger)
De tuet gern Jesus abätte und singe. (Mittelfinger)
De tuet gern bätte und hilft a anderi tänke und  (Ringfinger)
de Chli - de isch eifach en Sunneschii  (kleiner Finger)
Er strahled fescht zum Vater hi und sait: (Hände nach oben und nach oben schauen)
Ich liebe di!